(( آثار محافظة الفيوم 2010 ))

(( زمن التغيير ))
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 عايزة تضحكى خشى خشى :- أول يوم ليا فى شغل البيت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 353
تاريخ التسجيل : 08/07/2010

مُساهمةموضوع: عايزة تضحكى خشى خشى :- أول يوم ليا فى شغل البيت    الخميس يوليو 21, 2011 1:30 am



تعالوا شوفوا انا إنهارده ايه
عرق الهبل طلع عليا
هههههههههههههههه
قولت بقى مش ينفع كده
انا مش بعرف حاجة فى المطبخ
ولا شغل البيت على فكرة انا صغيرة اوى
مش كبيرة يعنى
المهم اول ما صحيت قعدت على فتكات حبيبتى
وبعدين روحت اوضتى غيرت بياضة سريرى
ويا خرابى ماما عملت فيا ايه
اصل البياضات فى دولاب اختى
ماما قعدت تزعق فيا وتقولى
سيبيها هنغير الملاية احنا
شوفى حالك انتى
(أصل بعيد عنكم انا لما ادخل
اعمل اى شغلانه فى البيت بتتنهى بكارثة )
فبرضه دورت على الملايه وحطتها انا

روحت ع التسريحة ووضبتها ومسحت الحاجات
اللى عليها بحتة قماشة ودى بقى طلعت
سليمة من غير خسائر فى الأرواح

أما بقى الأنترية جيت الم فرشة علشان يتغسل
ياااااااه ماما قعدت تقولى سيبيهم مش هيتغسلوا
الأيام دى وانا الم فيهم ومش مبطله


اما بقى البلوة والمصيبة بتاعت الموضوع ده كله

=== البلكونه ===

دى بقى اول ما ماما راحت تستريح الضهر
روحت مليا جردل وحطيت عليه ربع كيس الاريل
المركز هاه المركز وروحت جبت كوباية الحمام
واعدت امسح قصدى (أعك ) على رأى ماما
فى الحبال والسور والجناب بتاعت البلكونه
وجيت بقى للشبابيك واعد املى فى الكوباية
واطربش على الشبابيك يعنى اتغرقت ميا
وما أقولكمش على البلكونه من الارض بيسين
روحت بقى سألت ماما وقولتلها اشيل الميه دى ازاى
قامت مزعقة وجابت الشرشوبة ومسحتها



باقى بقى استحمى صح
بس ايه قولت قبل ما استحمى ادور على الفرشاه
اللى ماما بتنضف بيها الحوض وجيبتها
وقمت عاملاه ايه رغيتها بصابون الوش
ومش اقلكم على منظر الصابونه
ههههههههههههههههههه
المهم بس الحق ان حوض الحمام اللى
انا عملته ده بقى بيبرق



وبدين استحميت وطلعت
وانا جاية بقى افتح علشان احكيلكم
ماما راحت قايلالى بعد ده كله
السور ملبط ما ينفعش حد ينشر عليه حاجة
كانت عايزة تفرسنى بس علشان عملت كل ده
وهى مش موافقة ههههههههههههههههه
هى ماما لسه شافت حاجة
ده انا لسه بقى هادخل المطبخ
واشوف مواهبى فى الطبخ ههههههه



بس سر كده ماما قالتلى
انتى بتفهمى فى الكمبيوتر ماشى
بس انتى ( كارثة فى حق شغل البيت )
تفتكروا كان لازم اسمع كلامها
فعلا وما اعملش اى حاجة من دى
===================
فى امان الله يا بنات

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohamedgabre.yoo7.com
 
عايزة تضحكى خشى خشى :- أول يوم ليا فى شغل البيت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(( آثار محافظة الفيوم 2010 )) :: (المنتديات الترفيهيه) :: منتدى منوعات-
انتقل الى: